Zhvillimi i jashtëzakonshëm teknologjik dhe veçanërisht përparimi i nxituar në përdorimin e mediave sociale e ka bërë videon një medium të pashmangshëm të kësaj jete dinamike.
Formatet e ndryshme të videove të preferuara nga një numër i ndryshëm rrjetesh, si dhe organizimi i këtyre videove për t’u fokusuar në mesazhin që dëshironi të jepni, kërkon një trajtim më profesional dhe mjete më profesionale. Përveç kësaj, domosdoshmëria e audios në një video të bukur është diçka që nuk mund të injorohet, kështu që kombinimi i të dyjave do t’i jepte një rezultat të shkëlqyeshëm projektit tuaj.
Nga ky trajnim mund të fitoni njohuritë dhe aftësitë bazë për të edituar një video për nevojat tuaja duke përdorur softuerin e duhur: Adobe Premiere Pro CC.
Ky trajnimi për Bazat e Video Editimit është krijuar për ata që dëshirojnl të përdorin në mënyrë profesionale softuerin e video editimit siç është Premiere Pro. Nuk kërkohet përvojë e mëparshme në një softuer të tillë ose në video digjitale. Ata me përvojë të mëparshme video digjitale, por pa trajnime formale, do të përfitojnë gjithashtu nga ky kurs, pasi ai ofron një bazë solide për të punuar në mënyrë efikase me videon digjitale.
Ky trajnim do të hapë dyert për botën profesionale të videove. Mundësitë e pafundme të editimit të videos mund të japin mundësinë për të kryer mrekulli me efekte video të pakufishme që ofron Adobe Premiere Pro CC. Zhvillimi eksponencial i teknologjisë që në ditët e sotme është shumë i fokusuar në transmetimin e videove, mund ta bëjë montazhin e videove në profesionet tuaja të së ardhmes. Për të hyrë në tregun global të transmetimeve video si YouTube, VIMEO, Facebook, InstaTV, etj., gjithçka që ju nevojitet është një laptop dhe aftësia juaj e fituar.
